Хүүгийн үгс

Тэгээд түүнийгээ эрүүл мэндийн салбарын төсөв рүү ордог байхаар бодъё. Ялангуяа автобус бааз, такси бааз г.м газруудаас татвар авах. Хувь хүмүүсийн унаанд биш зориулалтын таксинд сууцгааж хэвшье.

Мөн такси баазууд хувийн машинтай хүмүүстэй гэрээ хийж, тэр хүмүүсийг нэг удирдлагад оруулж хяналт тавьдаг системтэй болох хэрэгтэй байх. Наад зах нь шилэн дээрээ км бичиж наасан, дотор нь таксины дугаар, такси баазын нэр, жолоочийн бүртгэлийн дугаар наалттай байх, тийм зүйлгүй таксинд суухгүй байж чадвал үйлчилгээнд ахиц гарах болов уу. Түүнээс биш хичнээн ТВ, радиогоор үнэ их байна, буулга гэж яриад утгагүй зүйл мэт.

Тэгэхгүй бол одоогийн таксины маргаан, таксины жолоочидтой холбоотой элдэв гэмт хэргүүд байсаар л байх болно. Дээр нь өдөржин машин барьж Улаанбаатарын агаарыг хордуулж байгаа хүмүүс эдгээр хүмүүс болж байгаа. Зүгээр байж байгаад хордож байгаа хүмүүс нь хохирч байна шүү дээ!

Дээр нь маш буруу тогтолцоотой гэгдээд буй эрүүл мэндийнхээ даатгалын системийг шинэчлэж, эрүүл мэндийн салбараа түшиж авахгүй бол улам л бүрхэг болоод байна шүү ард түмээн!

Анагаахын сургуулийн сургалтанд анхаарах, болоод сурлага сайтай оюутнуудыг тэтгэлэгт хамруулах, эмнэлэгт асрагч, сувилагч зэрэг цагийн ажлуудаар энэ чиглэлийн оюутан сурагчдыг хангаж өгөх зэрэг ажлууд хийвэл болохгүй л юм байх даа.

Уг нь одоо хийж байгаа зарим юмнуудыг харахад зөв зүйл хийгээд байгаа боловч яг ажил хэрэг болохдоо тааруухан, буруу газраас нь эхлээд байх шиг байна л даа.

Жишээ нь тэр эмнэлгүүдийг хооронд нь сүлжээгээр холбож компьютержуулах ажил байна. Тэгтэл улсын томдоо орох эмнэлэг болох 2-р эмнэлэг дотоод сүлжээгүй гэсэн сураг дуулдсан.
Эхлээд эмнэлгүүд нь дотоод сүлжээтэй болж, тэр сүлжээгээ ашиглан өвчтөнүүдээ бүртгэдэг, дээш доош нь гүйлгээд байдаггүй, эмч нар нь сүлжээгээрээ хоорондоо харилцаад, өвчтөнүүдийнхээ талаар болоод эмнэлгийн бусад мэдээллээ сүлжээгээрээ хийгээд явдаг болсон хойноо эмнэлгүүдийг, хөдөөний эмнэлгүүдийг хооронд нь холбоно гэж яривал уг нь илүү. Гэхдээ ямар ч байсан холбоод авна гэдэг бол хоосон газар зам тавьчихсантай адил хэзээ ч хэрэглэж болох хэрэгтэй зүйл. Нэг шат урагшилж л байгаа хэрэг.
Харин эмнэлгүүдийн дотоод сүлжээ, эмч нарын сургалт энэ тэр гээд бодоод байхад тийм ч их зардалтай баймааргүй л юм шиг...

Уг нь бол тийм ч их үнэтэй ажил бишсэн. 1м кабел 200-500 төгрөг байдаг байсан, ихэнх компьютер сүлжээний карттай байгаа байх, холбох свич хабууд 15000-аас эхэлсэн л үнэнтэй байгаа. Энд нэг эмнэлгийн сүлжээний тоног төхөөрөмжийн зардлыг тооцоход тийм ч өндөр үнэтэй болохгүй нь харагдаж байгаа байх. Сүлжээ тавихын хувьд бол бараг хэн ч хийчих ажил. Харин сүлжээний хамгаалалт нууцлалын тал дээр мэдээж сайн байх хэрэгтэй. Манайд энэ чиглэлээр сурч, ажиллаж буй мэргэжилтнүүд хэдий цөөн ч гэсэн гадаадад энэ чиглэлээр сураад, мэргэжээд, ажиллаад амьдарч буй Датабэйс админ, сүлжээний мэргэжилтнүүд маш олон байгаа. Тэр хүмүүсээ урьж авчирч, зохих цалингаар нь хангаад тодорхой хугацаанд ч болтугай сүлжээгээ босгоод авчихад болмоор мэт...

Санал болгох нийтлэл: http://togoruu.blogspot.com/2008/12/1500.html

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)