Хүүгийн үгс

Найзууд нийлж суугаад сайхан буу халах ч гоё шүү. Ер нь бид хэд нийлэхээрээ л яаж яваад ч юм,, за ёстой ярихгүй юм шүү гэж байгаад л улс төр, хоосон чанар, харьцангуй энээ тэрээ яриад алга болно.. Маргаж маргаж за сайхан боллоо гээд л гараад алга болцгооно доо. хэхэ
 Харин өчигдөр нэг лекцэнд очиж суулаа. Ер нь өөр бусдын яриаг сонсож, сонирхож бясалгаж авахын хувьд иймэрхүү лекц энэ тэр их зүгээр ч юмуу гэсэн юм бодоод л сууж байна. Би ч нэлээн бүдүүлэг тэр дунд нь шивэр авир гээд л байлаа хэхэ гэхдээ бас ярьмаар байсан болоор эрх чөлөөгөө эдэлмээр санагдаад. хэхэхэ https://www.blogmn.net/temuujin - н блогийг сонирхоорой. Би тэр Романтик хортонгууд гээд бичсэн байсныг нь бас сайн ойлгохгүй байгаа ч Тэмүүжин тэр лекцэн дээрээ хэлж байсан "мэдлэгтэй чадвартай хүмүүс ч бас юм хийж бүтээж чадахгүй худлаа ярьдаг бол цэцэрхэх болоод бас тэр нь хор болж хувирдаг" гэж миний ойлгосноор хэлсэн л дээ. Бас тэрнийхээ эсрэгээр "Монголчууд дотроо бясалгаад явдаг ил гаргаж ярьдаггүй" гэж бас хэлсэн. Нэг өвөө тэрэнд нь "Бясалгахгүй л бол үр дүн гарахгүй гээд бас хөөрхөн маргаан болсон" Тэгээд би бодлоо л доо (ер либертари үзлийн талаар ном сонин уншаагүй ч...) тэд нарын яриан дундаас ч гэх юмуу би ер нь либертари үзэлтэй байж лав чадахгүй юм байна. Тэгэхээр хүмүүс ямар нэг үзэл бодолд харъяалагдах, хуваах болвол би яах вэ гэж.. Тэгэхээр би бол "Туйлбаргүй үзэлтэй" болж тараад байна. Мэдээж туйлбаргүй гэдэг бол муу зүйл. Гэвч саяхнаас муу, сайн гэж юмыг ялгаад тогтоогоод байдаг хэмжүүр маань бага багаар нуран унасаар... "...Тамхийг үзэн яддаг, тамхи татдаг охидууд бодлогогүй, тэвчээргүй муу охин гэж боддог байсан хүн тамхичин охинд дурлаад, найзлаад ирсэн чинь муу охин биш дүрсгүй охин юм гэж бодоод..." за жоохон ярианаасаа хазайчихлаа.
Шууд юу гэж хэлэх гээд байна вэ... сайн мэдэхгүй л байна.

-Бусадтай санал бодлоо зөвөөр, хүлээцтэй солилцож байх, гомдохгүй, зугтахгүй байх
-Ямар нэгэн зүйлд хатуу хэм хэмжүүр тогтоохгүй, туйлшрахгүй байх
-Хэт их гүн гүнзгий бодож бясалгаж, дэлхийн үүсэл гарал, амьдралын утга учрын талаар бодлуудаа багасгах, бодсон ч иймэрхүү яриа маргаанаас татгалзах...
-Хэдийд ч хэнд ч үзэл бодлоо тулгахгүй байх, гэхдээ заавал илэрхийлж гаргаж байх. (блог минь юмуу)
-Өөр үзэл бодолтой хүмүүсээс зугтах, тэднийг тэнэг, эсвэл залхмаар гэж бодохгүй байх.
(Ингээд л бодчихвол нөгөө хүний бүх яриа утгагүй, худлаа сонсогдоно, эргээгээд нөгөө хүндээ ярьсан яриа маань ч тэр хүнд яг тийм байдлаар хүрнэ.)
-Эрх чөлөөгөө мэдэрч байх, харин хэт өөрийгөө дураар нь тавихгүй байх, бас эрх чөлөөгөө хамгаалахад гар бие оролцож байх.
-Зөвхөн өөрийнхөө эрх чөлөөг хамгаалах. Бусдын эрх чөлөөг хамгаалахыг оролдохгүй байх. Ингэж оролдсоноор чи тэр хүний халдашгүй байдлыг мөн зөрчинө. Гэхдээ бас туйлширч болохгүй зарим үед зүрх сэтгэлээрээ асуудлыг шийдэж байх.
-Жижиг зүйлээс эхэлж өөрчлөгдөе, хийе, бусдад бас нөлөөлье. Харин тэдэнд хуурамч романтик цэцэрхэгч болж харагдахгүй байх. олон юм ярилгүй ингэвэл зөв шүү дээ л гэж байя...

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)