Хүүгийн үгс

Өглөө эвэртэй автобусанд суусан чинь нэлээн хол аваачаад хаячихдаг байна шүү. Уг нь би агаар бага бохирдуулдаг болохоор цахилгаан тээврийг бараг л зүрхнийхээ уг мухраасаа дэмждэг хүн. Гэтэл энэ зохицуулга хийдэг хүмүүс арай л буруу зохицуулаад байна аа. Нийтийн тээврээ дэмжих ёстой байтал хувийн машин дэмжээд байх юм. Хотын хөдөлгөөнийг бууруулж, агаарын бохирдлыг багасгах гэж байгаа л бол улсаас нийтийн тээврийг дорвитой дэмжиж өгөх хэрэгтэй байна шүү дээ. Ангилалтай болгоод үнэ, автобус нь өөр байлгасан ч болохгүй гэх газаргүй байх. Гэтэл бүүр эсрэгээрээ буудлыг нь холдуулаад, зогсох ч газаргүй болгож байгаа нь нийтийн тээврийг сонгох хүмүүсийн тоог бууруулж байна шүү дээ. Би хүртэл өнөөдөр машинтай болохсон гэж бодож байх жишээтэй. Өглөө Модны 2-ын буудлаас Москва ресторан хүртэл зогсдоггүй болсныг мэдлээ. Тэг дунд нь буудаг би дахиад бол суухгүй л болж байгаа юм. Уг нь бол тийм олон хүний хөлийн газраар буудал аль болох ойрхон байх хэрэгтэй шүү дээ. Харин ч машины зогсоол бага, камер тавиад хянаад машин зогсоохгүй байвал хувийн машинтай хүмүүс нь багасах болно.

Нөгөө талд бас сайн зүйл байна аа байна Автобус 3 компани нэгэн интернетийн компанитай хамтран вайфай утасгүй интернеттэй автобуснуудыг Монголд явуулж эхэлсэн сурагтай. Үүнийг бол жинхэнэ 2 гараа өргөөд дэмжиж байна. Үүнийг хийж буй хүмүүст үнэхээр баярлалаа гэж хэлмээр.

Бид аль болох хэрэггүй үед хувийн машинаа унахгүй нийтийн тээврээр үйлчлүүлээд, эсвэл алхаад л байвал үр хүүхдийнхээ, ирээдүйн Монголын үр хүүхдүүдийн эрүүл мэндэд дусал ч болтугай хувь нэмэр оруулж буй хэрэг юм даа уг нь. Ганцхан би л тэгээд бусад нь унаад байвал гэж хүмүүс боддог л доо. Гэхдээ нэг хүн, хувь хүн танаас бүх зүйл эхэлнэ шүү дээ.
Нэг автобус хэдэн хүн зөөгөөд, хэдий хэр утаа гаргах вэ? Тэр тооны хүн машин унаад явбал юу болох вэ? Бодлого зохицуулга хийж байгаа хүмүүс нь энэ тал дээр анхаарч нийтийн тээврээ дэмжиж өгмөөр байгаа юм даа уг нь...
Бүүр ядлаа гэхэд машины осол, гэмтлээр нас барах хүмүүсийн тоо, эдийн засгийн алдагдал нь багасах байх даа...
Үнэн хэрэгтэй нүүрсний утаанаас илүүтэйгээр бид машины утаанд илүү их хордож байдаг гэж дуулсан...

---

Бонус: Хэдэн залуу хөдөө очоод агаарт цохиулаад ухаан алдаад уначихаж. Сандарсан зарим нөхөд нь учраа олохгүй байтал нэгэн жолооч залуу нөгөө нөхдийг машины яндан доор аваачиж тавиад хэд хаазалсан чинь урт амьсгаа аваад сэргээд босоод ирж байна гэнэ шүү цаана чинь

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)