Хүүгийн үгс

За юуны өмнө гол зүйлээ: http://vganzorig.blogspot.com/ маш сонирхолтой блог байна. Блогийг ингэж л бичих хэрэгтэй байх даа гэж бодлоо. Уншихыг санал болгож байна ээ.

За тэгээд өнөөдрийн талаар жаахан далимд нь бичмээр санагдлаа. Бостон, Герман хожигдож дэмжиж байсан багууд хожигдсон жаахан тийм байлаа. Ялангуяа ганц дуртай тоглогч улаан карт авч багийн алуурчин хийж Герман хожигдов. Словен чинь харин үнэхээр азтай, бас дажгүй тоглоод байх чинь вээ Франц дүүрч Испани хусуулдаг л жаахан тиймхэн байлаа. Ческ маань байсан бол шал ондоо байх байсан байх. Торрес ганцаардаад, бас сэлгээгээр сүүлд орж ирээд олигтой юм хийж чадаагүй... За за хөл бөмбөгөө гэж нэг иймэрхүү. Сайхан сайхан, заримдаа тэсэлгүй шөнө болтол үзээд өглөө улаан нүдлээд байгаа. Дахиж шөнийн тоглолт аль болох үзэхгүй ээ хэхэ

Өнөөдөр гэхдээ нэг гоё зүйл тохиолдсон. Зоригтой байж чадсан... ... Тэгээд хараагаа тодорхойлуулж шил авч зүүнэ дээ...

Эрүүл мэнддээ анхаарч байхгүй бол ч... Найзын урьдчилсан хамгаалалтын хуралд сууж үзлээ. Үнэхээр гоё юм аа. Найзаараа бахархах гоё шүү

За тэгээд амьдрал сайхан даа. Хүн аль өнцгөөс яаж харахаас л бүх зүйл шалтгаална гэж бодох болоод байгаа. Байр, машинтай болох, зээл гээд л олон зүйлд хүлээж, хайж, муу удирдлага, зохицуулалт, шударга бус байдалд дургүйцсэн, гомдсон хүмүүсийн зарим нэг бичлэг, блогоос уншаад бодогдоод байгаа юм. Заавал хүн өөртөө хувийн байшинтай, машинтай байх нь амьдрал сайхан байх, гол зорилго байх юм гэж үү? Хажуу өрөө насаараа хөлслөөд амьдарсан ч юу нь муу гэж? Гол нь амьдралаас авах таашаал байх л даа. Мэдээж болж өгвөл өөрийн эд хөрөнгөтэй байхыг бүх хүн л хүснэ. Гэхдээ тэдгээр зүйлсийг албатай гэж, тиймгүйдээ бусадтай өөрийгөө харьцуулан сэтгэл дундуур байх нь, чадвараа бусдаар дутуу үнэлүүлж байна гэж харамсан халаглах нь нэг талаар инээдтэй зүйл ч юм шиг санагддаг. Ленин, Гитлер, Мендлеев, Эйнштэйн, Бенц, Тоёота, Билл Гейтс, Линус бүгд л эгэл жирийн л хүмүүс байсан, тэд хэн нэгнээр үнэлүүлэх гээд суугаагүй, зүгээр л дуртай юм аа хийж л байвал үнэхээр илүү байж чадвал илүү байж л таараа.
Ер нь илүү биш байсан ч, өдөр бүр нэг зүйлийг л 500 удаа хийдэг байсан ч юу нь муу гэж? Монгол улсыг нэг машин гэж үзвэл машины дугуйны нэг боолтыг хийдэг байхад огт юу ч биш зүгээр л идэж уугаад, унтаад болсон болоогүй хэдэн хүүхэд гаргаад олигтой хийж бүтээсэн юмгүй нэг суудал дээр өнөө маргаашийг аргацааж суудаг шилэн дээр наалдсан тоос шиг хүмүүсээс бол хэдэн 100 дахин илүү байлгүй дээ. Ажлаа мэддэггүй даргаас ажлаа сайн хийчихдэг инээмсэглэн алхах үйлчлэгч 100 дахин илүү юм байна аа гэж...

Зөвхөн л өөрөө л сэтгэл хангалуун амьдраад, бусад зүйлс, дэлхий дахин, Монгол энэ тэр хамаагүй, тэр хөгжил дэвшил, амьдралын утга учир хамаагүй гэж бодож байсан ч зөвхөн эд хөрөнгө, өөртөө байхгүй зүйлсийг хүсээд ийм л байвал сайхан гэж бодох нь утгагүй байх. Хүний хүсэлд хязгаар гэж үгүй. Харин өөрт яг одоо байгаа боломжоо, халаасандаа байгаа мөнгөө сэтгэл хангалуун байхдаа бүрэн зарцуулбал, байхгүй бол хажууд байгаа гэр бүл, найз нөхдөөсөө тэр бүхнийгээ олж авч чадах нь л чухал юм шиг. Найзуудтайгаа нэг өдөр сайхан шар айраг шимэнгээ, хөл бөмбөг үзэж амрах нь үнэхээр таашаал биш гэж үү. за за дэмий юм бичээд байвал бичээд л байна л даа, элдвийн л дэмий юм бодогдож толгойд орж ирэх юм даа хүнд. Зүгээр гар загатнаад. Тоглолтоо үзлээ

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)