Хүүгийн үгс

Миний бодлоор сайн ангилах хэрэгтэй.

• Мэдээ мэдээлэл,
• мэдлэг,
• хүнд хэрэгтэй байдлаар нь ч юм уу

эсвэл бүр

• Мэдээлэл технологи,
• Эрүүл мэнд,
• Уран зохиол,

гээд чиглэлээр, эсвэл

• Хувийн амьдрал,
• өдрийн тэмдэглэл

гээд бичлэгүүдээ дотор нь бас ангилж ч болно. Бас уншихдаа ч хүмүүсийн блогийн бичлэгийг ангиллаар нь шүүгээд уншиж болно.

Тэгэхгүй бол хэнд ч хэрэггүй юм хэн ч уншаад байхыг, эсвэл олон тэр хүний сонирхолд нийцээгүй бичлэгүүд дотор чинь хайгаад явахыг хүсэхгүй. Ангилчихсан ойлгомжтой байвал хүмүүс илүү татагдах болно. Блогмн маань ч удахгүй RSS feed-ээ Ангиллаар ялгаж харуулах байх.

Болж өгвөл хэт хувийн, эсвэл зүгээр л сайн байна уу гэх зэргээр хэрэггүй зүйлс бичихгүй байх нь дээр. Аль болох хүн уншаад ямар нэгэн зүйл авахаар, өгөөжтэй байвал хүмүүс таны блогт илүү татагдах болно. Аль болох тогтмол хугацаанд шинэчилж байвал зүгээр. Мэдээж бусад сайт, сонин, сэтгүүл дээр байж л байдаг шар мэдээ, энгийн зүйлс бол тэр бүр хүмүүс манаад сонирхоод байдаггүй. Тэгэхээр аль болох бусдаас ялгарах өөрийн онцлогтой байж, түүнийгээ илүү дэвэргэвэл зүгээр юм шиг байгаа юм. Блогмн.нэт, дэлхий.нэт зэрэг сайтын хувьд хувийн бичлэгүүдээ ялган цөөн хүнд уншуулах боломжууд бас байдаг.

Аль болох бусдаас хуулбарлахгүй, өөрөө мэдээлэл бэлдэж хүргэж байвал нэр хүнд илүү өндөр байх болов уу. Хаа ч байж байдаг зүйлсийг хуулаад тавиад байвал хэн ч сонирхож уншихгүй. Тийм болохоор өөрөө аппаратаа барьж гарч зургаа дараад, үйл явдлын бодит цэгээс мэдээлэл хүргэж, эсвэл бусад мэдээг уншаад цэгцлээд блогтоо бичиж болно, эсвэл зүгээр өөрийн бодол, өөрийн эрдмийн ажлаа танилцуулсан ч болно. Хамгийн гол нь өөрөө л бичиж байвал хамгийн зүгээр байх.

Тэгэхээр блог бичихэд бас тодорхой хэмжээнд өөр бусад хүмүүс унших тул дүрэм баримталбал илүү хүмүүст хүрэх мэт. Жишээ нь www.sanakae.com гэх мэт яг чиглэлээ барьсан, сонирхолтой мэдээлэлтэй блогууд байна. Жишээ нь гэхэд дээрх блогийг мэдээллийн технологи, сонирхолтой зүйлс сонирхдог маш олон хүн захиалж дагаж уншиж байдаг. Би өнөөдөр тэгээд, ингээд, нар эндээс мандаад тийш жаргав гэсэн бичлэг энэ блог дээр байдаггүй. Бас sanakae блогийн нэг давуу тал нь өөрийн гэсэн шууд хаягтай. Энэ нь зочилсон хүн хаягийг тань цээжлээд дараагийн удаад шууд блог руу чинь хандаж байх боломж, хайлтын системд дээгүүр гарч ирэх боломжуудыг ихэсгэдэг. Энэ боломж blogmn.net сайтад маань ч саяхан нэмэгдсэн байгаа, та өөрийн блогтоо дурын домайн нэрийг холбох боломжтой болсон байгаа. Мөн http://domain.dusal.net сайт харьцангуй хямдаар домайн худалдаж байгаа.

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)