Хүүгийн үгс

Зорилго: Өөртөө итгэлтэй, "мундаг" байх, аз жаргалтай, сайхан орчинд эрүүл саруул, сэтгэл дүүрэн, утга учиртай амьдрах. (миний хувьд)

Төлөвлөгөө:
1. Англи хэл, Япон хэлний хичээл өдөрт тус бүр нэг цаг давтаж байх. Герман хэл сурч эхлэх.
2. 9-р сараас мэргэжлийнхээ хичээл номд сайн хичээж чармайх. Амьдралаа утга учиртай болгох.
3. Нойрыг сэрж барж байх. Гэхдээ оройтож унтахгүй байх!
4. Цаг заваараа эх орондоо тус дэм болох үйлсүүдэд гар бие оролцож байх. GNOME орчуулгад өдөрт дор хаяж 30 минут гаргаж байх.
5. Интернетээс зөвхөн хэрэгцээтэй зүйлсийг л авах. Дэмий зүйлс, сонирхол татсан, хөгжилтэй зүйлсэд аль болох цаг үрэхгүй байх.
6. Зугаа цэнгэлийг хэсэг хугацаанд хойш тавих. Аль болох шоу цэнгээнээс хол байх. Цагийг үр бүтээлтэй өнгөрөөх. Гэхдээ найзуудыгаа уриалж заал авах, спортоор хичээллэх зэрэгт хошуучлан зүтгэх боломжийг аль болох ашиглаж байх.
7. Найз нөхдийнхөө дунд нэр хүндтэй байх. Түүний тулд хэлсэндээ хүрдэг, хийдэг, хийсэн юмтай байх. 10 жилийн гурав болоод бас бус төрсөн найзуудтайгаа байнга холбоо харилцаатай байх. Зүгээр сайн уу ч болов чулуудаж байх Болж өгвөл бүх найзуудтайгаа харилцаа холбоотой байх.
8. Эрүүл мэнд байх гэсэн хамгийн гол хүслийнхээ төлөө архи, тамхи болоод муу хоол, чихэр, таргалуулдаг хүнснээс зугтаж хол байх, тамхи татахгүй ч татаж байгаа хүмүүсээс зугтах. Цаг агаарт тохируулан хувцаслаж, эрүүл, биенд эвтэйхэн, аль болох байгалийн гаралтай бүтээгдэхүүн хувцас болоод бусад зүйлдээ хэрэглэх.
9. Хэзээ ч хогоо тааралдсан газраа хаяхгүй байх. Хог хаяж байгаа хүнд эх оронч эр зориг гарган хогоо хаяхгүй байхыг сануулж хэлж байх. Мэдээж эелдэгээр
10. Блогоо тогтмол бичих. Цаг үеэс хоцрохгүй, асуудал хөндсөн хүнд өгөөжтэй мэдээлэл оруулахыг хичээж байх.
11. Шүдээ унтахын өмнө залхууралгүй угааж байх.
12. Үндэсний үйлдвэрлэлээ дэмжиж байх. Импортын бараа, бүтээгдэхүүнээс аль болох хэрэглэхгүй байх.
За тэгээд зүтгэл байвал зүүгээр газар хагална гэж байна шүү цаана чинь
13. Аль болох тодорхой хэмжээнд хэрэгцээндээ хүрэлцэхүйц орлоготой байх талаар хичээх.

Үр дүн: (Төсөөлөл)
Гялалзсан цагаан шүдтэй. Англи, Япон хэлтэй, Германаар ойлголцчихдог, мэргэжилдээ бусдаас мундаг нь биш юм аа гэхэд дутуугүй залуу. Мэдлэгтэй, бусдын, тэр тусмаа найзуудынхаа дунд нэр хүндтэй, хийсэн зүйлтэй залуу.
Өөрийн хийхийг хүссэн зүйлээ хийдэг, хийснээ гайхуулдаг онгирох боломжтой, өөртөө итгэлтэй бага зэрэг онгироо залуу
Ихэнх хүмүүс нь компьютер эзэмшсэн, эрүүл саруул сэтгэлгээтэй, хоггүй цэвэрхэн сайхан хотод амьдарна. Өөрийн хайртай бүсгүйг өөртөө татаж гэрлээд аз жаргалтай амьдрана.
гэх мэт цааш үргэлжлэх байх.

Хэрвээ биелүүлэхгүй бол:
Юу ч мэдэхгүй миа залуу байна. ...

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)