Хүүгийн үгс

Төрийн дууллаа уншижээ суусан чинь...

Дархан манай тусгаар улс
Даяар Монголын ариун голомт

Энд даяар Монголын голомт гэсэн үг орсон байдаг юм байна, урьд нэг их анзааралгүй л дуулдаг байжээ. Үнэхээр сайхан эхлэл

Далай их дээдсийн гэгээн үйлс
Дандаа энхжиж, үүрд мөнхжинө

Энд харин Далай их гэдэг нэг л сонин. Бас буруу утгаар гуйвуулж болмоор. Монголчууд далай шиг их газар нутагтай байсан ч далай шиг их байсан түүх байхгүй байхаа. их гэдэг үгийг ухаант г.м үгээр эсвэл Далай гэдэг үгийг Агуу гэх мэт өөр үгээр орлуулмаар мэт... Далай их гэхээр далай шиг их гэхээс өөрөөр ойлгогдохгүй л юм?

Хамаг дэлхийн шударга улстай
Хамтран нэгдсэн эвээ бэхжүүлж

Энд нэгдэх гэдэг үг хуучирсан байхаа. Хуучин Оросод нэгдсэн байхдаа энэ үгийг хэрэглэж байсан болов уу. Нэгдэх, нэгдүүлэх гээд харвал нэгдсэн гэдэг өнгөрсөн цагийн үг нь дэлхийн нэг улстай нэгдсэн гэсэн утгыг харуулаад байх юм. Миний мэдэхээр одоогоор Монгол улс тусгаар тогтносон улс юмсан.

Хамаг Монголын шударга олон
Хамтран нэгдэн эвээ бэхжүүлж
Хатан зориг бүхий л чадлаараа
Хайртай Монгол орноо мандуулья

г.м дотооддоо болоод даяар Монголчуудтайгаа эв нэгдэлтэй байх гэсэн утгатай байвал илүү болох мэт. Харин дараагийн бадагтаа бусад улстай эвтэй зэрэгцэн оршихыг илэрхийлбэл зүгээр болов уу.

Өндөр төрийн минь сүлд ивээж
Өргөн түмний минь заяа түшиж

Энэ 2 мөр нэг л тийм хийсвэр, төр сүлд, заяа гэсэн шашины мөрөөдөл мэт үгс санагдах юм. Төр нь тээр өндөрт ард түмнээсээ хол байдаг ч юм шиг...

Үндэс язгуур, хэл, соёлоо
Үрийн үрд өвлөн бадраая

Энэ их гоё үг гэсэн ч хэрэгжихгүй л байна. Нөгөө өндөр төр маань энэ талаар одоог болтол ямар ч дорвитой зүйл хийхгүй л байна даа. Бас өвлүүлэн гэх ёстой байх. Өвлөх гэхээр арай л утгын алдаатай мэт? Миний ойлгож байгаагаар өвлөх->авах өвлүүлэх->үлдээж өгөх гэсэн утгатай байх гэж бодох юм? Монгол хэлний мэргэжилтэн биш тул буруу ярьж байж ч магадгүй л юм.

Эрэлхэг Монголын золтой ардууд
Эрх чөлөө жаргалыг эдлэв

"эдлэв" гээд өнгөрсөн цаг дээр, 'дуусчихаж' байгаа нь харамсалтай юм. Монгол хүн амны билгээр гэдэг төрийн дуулалдаа ингэж хэлмээргүй. эдлэнэ, эрхэмлэнэ гэх мэт ирээдүйд үргэлжлэх хэлбэрээр хэлмээр мэт бодогддог. Тэр явав. Тэр явна. гэдэг шиг санагдана.

Жаргалын түлхүүр, хөгжлийн тулгуур
Жавхлант манай орон мандтугай.

Энэ бас л нэг л тийм хийсвэр. Юуны ч хөгжлийн тулгуур юм? Аль нэг улсын л хөжлийн тулгуур нь манай улс ч юм шиг? Үүнийгээ уг нь эргээд нэг хармаар л юм байна даа. Уг нь интернет г.м байдлаар нээлттэй хэлэлцүүлэг энэ тэр явуулж хүмүүсийн шүүмжлэл зэрэгт тусгаж олон талаас бодож байж зохиомоор юм шиг...

Холбогдох бичлэг:
https://bishuu.blogmn.net/19118/

https://xvv.blogmn.net/15546/

Энэхүү бичлэгийг бүх хэлбэрээр хувилан, хэвлэн нийтлэх нь нээлттэй бөгөөд зохиогчийн эрхийг дурдах албагүй.

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)