Хүүгийн үгс

Чи улс төрийг сонирхохгүй байж болно, гэхдээ улс төр чамайг оролдоноо гэнээ... Тодорхой хэмжээнд нийгмийн идэвхитэй байж хариуцлагатайгаар сонголт хийж сонгууль өгөх хэрэгтэй гэх юм...

Нээрээ 2012 оны сонгуулиар сонгуулийн сурталчилгаа ямар болох бол? Хүмүүс бэлэн мөнгө амлаж, би тэрийг сайжруулна, энийг янзлана, цэвэрлэнэ гэсэн хэвээрээ л байх юм болов уу? Мэдээж мөрийн хөтөлбөр гэж юм байх ёстой л байх л даа. Уг нь бол би ийм юм чаддаг, ингэж ингэж бодож явдаг гэдгээ үйл хэргээрээ харуулж чаддаг, тэрийгээ хүмүүст хүргэж чаддаг бол тээ.
Ардчилсан нам нь МАХН-аасаа арай дээр юм шиг... тэгснээ хүмүүст бэлэн мөнгө амлаад л байдаг... Нэг л их бэлэн мөнгийг шууд хүмүүст өгчихнө гэж яриад байдаг... Харин үйлдвэр энэ тэр барьж, ажлын байрыг багасгана гэдэг үнэхээр зөв боловч угаасаа л төрд хэн ч гарсан хийх ёстой үндсэн зүйлс баймаар юм? Би юу ч мэдэхгүй л дээ... Ямартай ч ганц нэг дэмжиж, заримыг нь дотроо хүмүүс битгий энэ хүмүүст нам энэ тэрийг нь хараад, худлаа рекламанд нь итгээд санал өгчихөөсэй гэж бодож байгаа хүмүүс байна. Тэхдээ ч тэр олон хүнийг бүгдийг нь бол бүүр ч мэдэхгүй. За миний хувьд одоо мэдлэг тодорхой хэмжээнд үндэсний үзэлтэй, сэтгэлгээний эрх чөлөөг хүндэлдэг ИЗН Бундагийн Болдсайхан, АН Хишигдэмбэрэлийн Тэмүүжин нарыг дэмжмээр юм шиг санагдаад байгаа.
Харин Энэ Лувсанвандангийн Болд, Эрэлийн Эрдэнэбат, Сайханбилэг, Туяа, Болормаа, Ганди, Гүндалай гэсэн хүмүүсийг лав дэмий юм байна гэж бодоод байгаа. Ер нь но-тойг нь ТВ-ээр хүртэл гаргаад байгаа ийм хүмүүсийг бид нар тэгж байгаад л гаргачих юм даа...


Би лав одоо Монгол улсын төр засаг анхаарал хандуулах ёстой дараах хэдэн зүйлсийг мөрийн хөтөлбөртөө сайн тусгаасай гэж боддог.

1. Байгалийн бохирдол, экологийн тэнцвэр байдлын алдагдалтай хоолоо сойгоод ч болсон тэмцэх хэрэгтэй мэт. Өнөөдрийн булчирхайнаас маргаашийн өөх гэдэг.
Улаанбаатар хот, Туул голын сав газарт одоо нийт 120 гаран жижиг том уурхай хайгуул, олборлолт хийж, алт угааж, угаасан бохир ус нь эргээд Туул голд цутгаж байна гэх...

5 жилийн дараа дарга нар нь ч хамтдаа уух ус ч үгүй, алтаа тэвэрцгээгээд өлсөөд сууж байх юм биш биз дээ? Шонхруудаа араб руу гаргаад туучихсан, хэдэн жилийн зуднаар цөөрснийг эс тооцвол бэлчээрийн ачаалал маш их болсон. Уг нь төр засгаас бодлого гаргаад малчдынхаа махыг гадаад руу экспортлодог гарц энэ тэр олж өгвөл бэлэн сая төгрөг өгч байснаас дээр мэт?
Монгол маалын махны, ноос, ноолуурын чанарыг сайжруулах судалгаануудад тэр тараах гээ байгаа мөнгийг зарцуулмаар ч юм шиг??
http://mongoltug.blogspot.com/2008/06/blog-post.html

2. Суурь боловсролын системийг чанаржуулах, багш боловсон хүчин бэлдэхэд өндөр анхаарах, багш нарын цалинг нэмэх, ёс суртахууныг дээшлүүлэх, ёс суртахууны доголдол гаргасан багш нарын эрхийг хасаж хатуу шийтгэл оногдуулдаг баймаар. (сурагчдаа, оюутнуудаа дарамталдаг, хамт архиддаг гээд багш нээр цөөнгүй гэж яригдах... олны үг ортой гэж...) Ер нь манай багш нарын чанар их муудсан юм шиг. Арай гайгүй багш нар нь өндөр цалинтай хувийн дунд сургуулиуд руу явчихдаг. Харин тэндээс нь бол овоо хүмүүс гарч ирж байх шиг. Шинэ Монгол, Монгол Туркийн сургууль г.м ер нь багш боловсон хүчин сайтай сургуулиудаас шал ондоо түвшний хүмүүс төрж гарч байгаа. Яагаад нийтээрээ тийм болж болохгүй гэж?
Угаасаа байшингийн суурь ямар тавигдах нь маш чухал баймаар. Манай ерөнхий боловсролын систем бүүр уналтанд орсныг хүн бүр мэдэж байгаа. Арай нэг боломжтой чадалтай нэг нь маш өндөр үнээр хүүхдээ хувийн сургуулиудад өгч байна. Дунд сургуулийн боловсролын системд маш сайн бэлтгэгдсэн багш нараар ёс суртахууны болоод компьютерийн хичээлүүдийг илүү түлхүү анхаарч маш чанартай оруулж байх... IT чиглэлээр аутосоорсинг хийж эхэлснээр Энэтхэг одоо ямар түвшинд хөгжижг байна...

3.Ард түмнийгээ ядуу зүдүүг далимдуулж, залхуу хойрго занг нь өөгшүүлэн бэлэн мөнгө амлаад байгаа хүмүүс яг гараад үнэхээр юу хийх юм бол доо... Уг нь нэг хүнд тэгж их мөнгө өгч байснаас тэднийг ажиллаад цалингаа аваад амьдрах боломжийн үйлдвэр, завод, ажлын байртай болгож өгмөөр...

4. Үндэснийхээ үзлийг дэлгэрүүлэх, ёс заншил, бичиг үсгээ сэргээх талаас анхаарах, ТВ-үүд, масс медиа хэрэгслэлүүдэд тодорхой хэмжээ хязгаар тогтоох, жинхэнэ мэдээлэл, мэдлэг түгээх хэрэгслэл баймаар... Тохирох хууль дүрэм гаргамаар. ТВ чат, алаан хядаантай элдэв кино энэ тэр гээд. Эрх чөлөө гэдгийг энийг гэж хэлэх гээд байгаа бол бас арай л биш баймаар?

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)