Хүүгийн үгс

Матрикс кинон дээр хүн төрөлхтөн бол дэлхийд халдварлагдсан нян гээд гардаг. Би ч бас тэгж боддог. Гэхдээ нянгууд дотроо бас 2 хуваагддаг юм. Эмгэг төрөгч нян Хэвийн нянгууд гэж.
Эмгэг төрөгч нян бол халдварлагдсан эзнийхээ дотор замбараагүй өсөж үржиж, хамаг эд эрхтнээс нь шимж сорж идэж ууж байгаад эзэн нь үхэхэд эзэнтэйгээ хамт оршуулагддаг.

Харин хэвийн бичил биетнүүд бол угаасаа хүний биед төрөхөд ороод байж байдаг бөгөөд бусад эмгэг бичил биетнүүдээс хамгаалан, хүнд ач тустай зүйлсийг хийгээд тэндээ амьдран суудаг.

Түүнтэй адил дэлхий дээрх хүмүүс бид бас дэлхийн нянгууд юм. Хятадууд, Энэтхэгүүдийг хараад байхад хэт өсөлт үржилттэй, дээр нь хятадууд (мөн бусад том улсууд)-ын хувьд эзэн биеэ огт бодохгүй байгаа нь ДЭЛХИЙ гээч эзнийгээ үхүүлэх хорт хавдрын нянтай зүйрлэмээр.

Хэвийн бичил биетнүүдийн онцлог нь харьцангүй идэвхи султай байдаг. Заримдаа эмгэг болж эзнээ өвчлүүлэх тохиолдол байдаг. Түүн шиг олон зуун жил байгаль орчноо хамгаалж, байгаль дэлхийтэйгээ зохицож амьдарч ирсэн Монголчууд бид сүүлийн хэдхэн жилд газар нутгаа сэндийлээд, сэндийлүүлээд, өөрснөө цианид, мөнгөн усанд хордоод бидний дунд байгаа хэдхэн эмгэг нөхдүүдээр харж сууж байгаад ЭХ ДЭЛХИЙгээ, эх нутгаа сүйтгүйлээд л... Монголын хөгжлийн түлхүүр бол газраа ухаж алтаа гаргаж зарах ч биш л байхаа... Монгол мөнгөтэй болчихлоо л гээд байдаг мэдэхгүй юм даа...

"Миний нутгийн шорооноос бурхан гуйсан ч бүү өг" гэж хэлж байсан, атга шороогоо хүртэл бурханаас харамлаж байсан хүмүүсийн үр удам нь шороо байтугай алтаа бусад нянгуудад зарж үрээд сууж байх ч гэж дээ Дээр нь хамаг модоо тайраад гурал, будаагаар солиод идчихсэн...

Хотоор нь дүүрэн үнэтэй машин тэрэгнүүд хөлхөлдөнө. Өнөө хөрсөн доор байсан алт чинь тэр шүү дээ. За яахав хөрсөн доорх алтыг нь авч болдог юм байж. Тэгвэл дээрхийг нь эргэж нөхөн сэргээдэг, ядаж хэдэн суулгац тарьчихдаг алт олборлогч компани нь хэд байдаг юм болоо?

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)