Хүүгийн үгс

Бурхан байдаг
Будда бол яг тэнгэрт байдаг бурханы талаар сургаагүй байх. Гэхдээ шарын шашины лам өвөө маань тэнгэрт буй бурханд залбирдаг байсан. Яг ямар урсгал нь юм гэхээс. Чингис хаан маань бас Мөнх хөх тэнгэрт залбирч, мөргөж, гуйдаг байсан. Христэд бол Ертөнцийн эзэн гээч, Мусулман шашинд Аллах гээд байдаг. Ер нь л бүх шашинд дээр байдаг тэр нэг БУРХАН гээч нөхрийн талаар бий. Олны үг ортой гэжүгаа Ямар ч байсан эцсийн эцэст бурхан гэж үнэхээр байдаг юм байна гэдгийг ойлгосон... Бид ямар ч шашин шүтлэгтэй байсан адилхан юм байна...

Монголчуудын хөх толбо
Монголчууд тэнгэрийн хүмүүс гэж ярьдаг. Буухгүй гээд байхаар нь бурхан өшиглөөд буулгадаг болохоор хонго нь хөхөрсөн төрдөг гэдэг Японы нэгэн зурагтын нэвтрүүлгээр эрт хэлд орсон жаахан хүү ярихдаа "Би ээжийнхээ гэдэс рүү ороод гараад ирсэн. Би аав ээж 2-ыг тэнгэрээс харж байсан, очъё доо гээд бие бие рүүгээ инээмсгэлж байгааг нь хараад л байж байтал намайг түлхсээр байгаад буулгаад ирсэн" гэж ярьсан...

Хүүхэд гэдсэнд байснаа мэддэг
2-3 нас хүртлээ хүүхэд өмнөх амьдрал, гэдсэнд байснаа мэдэж ярьдаг гэдэг. Гэхдээ ихэнх нь тэрийг ярих хэмжээнд хэлд ордоггүй байх. Эгчийн маань охин 2 настайдаа "Ээжийн гэдсэнд их харанхуй байсан, ээж дандаа л юм яриад инээгээд л чимээ ихтэй ядаргаатай байсан" гэж байсан. Бас "Миний охин тэгээд юу хийж байсан бэ тэнд?" гэж асуухад атирсан байдал үзүүлж ингээд л, тэгээд хааяа ингээд ингээд л байсан гээд гараа хөлөө тэнийлгэж харуулж байсан...

Аборт бол хүүхдээ алж байгаа хэрэг
Эмээ эгчид нэг түүх ярьж байсныг эгч саяхан ярьж өгсөн. Эмээгийн таньдаг байсан нэг эмэгтэй анх удаа жирэмсэн болоод хүүхдээ аборт хийж авахуулсныхаа дараа маш их гэмшиж залбирсан. Харин дараа нь нэлээд сүүлд хүүхэдтэй болсных нь дараа хүүхэд нь жоохондоо ээж намайг "ингээд ингээд ингээд л таслуулаад алуулчихсан" гээд гар хөлөө огтолж буй мэт дүрсэлж харуулсан гэдэг...

Үйлийн үр, хойд нас
Бурхан байдаг, бас хойд нас гэж бий. Бас үйлийн үр ч гэж бий. Үүнийг бүх хүнд ойлгуулахсан...

Хүн гэдэг юу вэ?
"Хүн төрөлхтөн бол дэлхийн бөөрөнд суусан хорт хавдар"
Тэд дэлхийг өвчлүүлж, ухаж, урж тасдаж, ан амьтан ургамал бүгдийг нь сүйтгэж буй. Тэр хүмүүсийг эмчилж эдгээж буй эмч хүн ч бас энэ хорхой шавьж мэт хөгийн амьтсыг олшруулахад гар бие оролцож буй нүгэлтэн...

Монголчууд
Тэд эрт дээр үеэсээ байгаль орчноо хамгаалах асар их соёлтой ард түмэн байж, байгальтайгаа нэгдмэл амьдарч ирсэн. Хүнд хэвийн бичил биетэн микрофлорууд гэж байдаг. Тэд бусад эмгэг нянгуудаас бие мах бодыг хамгаалж, хоол хүнсийг задлан хэрэгтэй зүйл хийдэг нянгууд. Гэвч нөхцөл байдал өөрчлөгдөхөд тэд өөрснөө өвчин үүсгэдэг нян болдог. Түүнтэй адил одоо Монголчууд газар нутгаа ухан сэндийлж, гол усаа ширгээж, амьтан ургамлаа дуусган барж буй. Өдөртөө хэдэн зуугаараа утаатай хотдоо бөөгнөрөн нүүдэлчин амьдрал, соёлоо мартан гээж буй. Монгол, Монголчууд эх орон гэж ярихаасаа илүүтэй байгаль дэлхий, эх дэлхийгээ тэр чигээр нь бодох, эвдэн сүйтгэж буй хэн бүхэн Хужаа ч бай, Монгол ч бай, Япон ч бай, Америк өөр хаанах ч байсан дайсан, харин эргээн сэргээж мод тарьж, хамгаалан тэмцэж буй бол Орос ч бай Хужаа ч бай нөхөр...

Амьдралын утга учир юу вэ?
Зөндөө л олон зүйлийг амьдралын утга учир гэж андуурч хайж явсаар одоо л бурхан намайг яах гэж энэ дэлхий рүү явуулсан, миний амьдралын зорилго, утга учир нь юу вэ гэдгийг ойлгож байна. Байгаль дэлхийгээ хамгаалах. Эвдэн сүйтгэж байгаатай тэмцэж, нөхөн сэргээх. Бурханы хийсэн бүтээлийг энэ хүн гээч өт хорхойноос хамгаалахаар тэмцэх.
Одоохондоо миний чадах зүйл гэвэл хэрэггүй гэрлээ унтрааж, усаа хааж, дулаан хувцаслаад гал бага түлж, паараа бага дээр нь тохируулах, шинэ зүйл аль болох авахгүй байж хуучин зүйлсээ засаж хэрэглэх, цаасаа хямгатай хэрэглэх гэх мэт. Бас ойлгосноо бусдад түгээх. За тэгээд хамгийн гол, хамгийн чухал зүйл бол аль болох олон мод тарих, түүнийгээ асарч ургуулах юм байна...


Үргэлжлэл:
https://xvv.blogmn.net/79404/dahiad-burhanii-talaarh-bodol-ba-uurtuu-uguh-zuvulguu.html

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)