Хүүгийн үгс

Заяа хурдан эдгээрэй. Ямар ч өвчинд өөрийн сэтгэлийн итгэл маш чухал, өвдөөд үхэх гээд хэвтэж байгаа өвчтөн дээр олон сайн эмч нар ороод өө зүв зүгээр л байна шүү дээ, ийм сайхан байхад чинь, удахгүй зүгээр болноо гээл хоорондоо ярьчихаад гарахад маргааш нь нөгөө хүн нь илт сайжраад бараг 7 хоноод босоод явж байхыг оюутан байхдаа харж л байсан. Гол нь хүний өөрийнх нь тархи л хамгийн хүчтэй эмчилгээний зэвсэг. Одоогийн эмч нар дунд маань өнөө маргаашийн хоолны хэдэн цаасаа бодоод үйлчлүүлэгчидтэйгээ ярилцаж, тэдэнд итгэл өгөхөө мартдаг хүмүүс байгаад байгаа нь харамсмаар л юм. Ямар ч гэсэн Заяагаа босоод гүйнэ гэдэгт бид бүгдээрээ итгэлтэй байгаа шүү. Олон хүний итгэлийн инергийн хүчээр удахгүй босоод ирнээ. Энд орж ирж уншиж байгаа хүмүүст гэхэд 1000 төгрөг ч 1000-дахгүй та энэ охинд энэрлийн гараа сунгаарай. Нэг ч гэсэн хүнд бага ч гэсэн туслаарай. Магадгүй үхээд тэнгэрийн орон гэж байдаг бол, магадгүй бурхан таниас хийсэн буянг чинь асуувал та би нэг хүний амийг аврахад ингэж туслаж байсан юм гэж хэлэх эрхтэй болно шүү дээ ;)

Уг нь би энэ сэтгэгдлийг http://lovelife.delhii.net/2007/06/15/62/#comments бичлэгт оруулах гэсэн боловч яагаад ч юм намайг спэм байна гээд сэтгэгдэл маань өчигдрөөс хойш орохгүй юм :(
Тэгээд эндээ биччихлээ.

Сорд:
Найзаа тэгж ярьж бас болохгүй шүү. За би ямар ч гэсэн уншиж байгаад энэ өвчний талаар блогтоо бичнээ. Харин үүнийг компьютерийн (компьютерийн томографийг хэлж байгаа бололтой) оношлогоогоор огт оношлох боломжгүй л дээ. Учир нь КТ бол зөвхөн голомтот өөрчлөлт байгаа эсэхийг илрүүлдэг юм. Харин Ревматойдный артрит гэх энэ өвчин бол эс, эдийн түвшинд явагддаг болохоор энэ өвчний үед огт үр дүнгүй арга юм. Гол шинжилгээ нь Биохимийн, болон цусны ерөнхий шинжилгээ, өвчний түүхээс нь энэ өвчнийг оношлодог. Англи хэлээр уншъя гэвэл www.google.com дээр rheumatoid arthritis гэж бичээд хайж олоод уншиж болно.

Эмч нар бүгдээрээ ч тийм муу бишээ. Сүүлийн үед энэ өвчнийг үүсгэгч цус задлагч бетта-стрептококк гэгч нян (нян буюу бактери нь вирүсээс өөр юм уг нь) нь маш их хувирч өөрчлөгдөж байгаа, дээр нь бидний хэрэглэж байгаа хоол хүнс зэргээс болоод бидний бие махбод харшилд эмзэг болсон, үүнтэй холбоотой халдвар-харшлын механизмаар явагддаг энэ өвчний явц түргэн, амархан хүндэрдэг болсон юм. Бас дээр нь Монголд орж ирж байгаа эм тарианы талаас илүү хувь нь бараг 70 орчим хувь нь хуурамч, дээр нь хадгалалт тээвэрлэлтийн горим алдагдсанаас чанараа алдсан байдаг бас нөлөөлж байгаа л даа. Мэдээж эмч нарын хувьд урьдчилан сэргийлэх талаар зөвлөгөө өгөх зэрэг хийх ёстой зүйлээ хийхгүй байгаа нь үнэн л юм. Загнуулахаас айлгүй эмч нарын ам хамрыг татаж байж өвчнийхөө талаар сайн яриулж, зөвлөгөө авч байгаарай! Ихэнх хүмүүс манай эмч аймар ууртай, та миний оношийг мэдээд өг гээд байдаг. Ер нь бол эмч нь оношийг нь хэлэх эсэхээ мэдэх бөгөөд, өвчтөн өөрөө хүсвэл оношоо мэдээж мэдэх эрхтэй. Оношоо мэдэхгүй бол эмчээсээ би ямар арга хэмжээ авах вэ, яаж дахилтаас урьдчилан сэргийлэх вэ энэ тэр гээд л асуух хэрэгтэй дээ.



Нэмэлт:
Энэ өвчин нь бактерийн гаралтай (вирүс биш) учир антибиотик хэрэглэж нянг устгах хэрэгтэй (пенециллинд харшилтай байсан бол хоолойн арчдаст антибиотик мэдрэг чанар тодорхойлох шинжилгээ байдаг тэрнийг хийгээд пенециллинээс өөр тохирох антибиотикийг хэрэглэж уг нь болдог), үүнтэй хамтаар харшлын гаралтай үрэвслийг намдаахаар үрэвслийн эсрэг бэлдмэл хэрэглэх ёстой. (стеройд дааврын болон дааврын бус)

Гол нь дахилтаас урьдчилан сэргийлэх биеийн эсэргүүцэл сайжруулах Витамин С хэрэглэх хэрэгтэй. Халдвараа байнга урьдчилан сэргийлж даарч хөрөхгүй, хоолойгоо содтой, эсвэл давстай уусмалаар байнга зайлж байвал зүгээр. Хоолой олон өвдөөд болохгүй байгаа, өвдөх болгонд үе болон, зүрх бусад эрхтэнд шинж тэмдэг илэрч байгаа бол хоолойны махыг буюу гүйлсэн булчирхайг авхуулах жижиг хагалгааг хийлгэдэг.

Бас дахиад нэг сэтгэгдэл бичсэн боловч орохгүй юм :(

http://lovelife.delhii.net/illness/ бичлэгт зориулж бичсэн сэтгэгдэл:

Цасангийн хэлж байгаа зөв шүү. Гэхдээ энэ өвчний гол үүсгэгч нь бетта стрептококк гэдэг бактери. Энэ нь вирус биш учир заавал антибиотик хэрэглэх шаардлагатай байдаг.

ревматизмын эмийн эмчилгээ нь стеройд болон стреройд биш (дааврын болон дааврын биш) үрэвсэл намдаах эмнүүд байгаа. Дааврын бус нь уг нь сөрөг нөлөө арай багатай боловч үр дүн сул. Аспирин, ибубруфен г.м эмүүд байгаа. Монголд ч байгаа. дааврын бол преднизолон г.м дааврын бэлдмэлүүд. Аль нь үрэвсэл дарах зорилгоор хэрэглэдэг.

халдвар авсан үед энэ 2 эмийг давхар хэрэглэх хэрэгтэй.

цус задлагч бетта стрептококк гэдэг энэ нянгийн ханын бүтцэд байх липид (тослог) бүтэц нь хүний зүрхний зүүн талд байх 2 хавтаст хавхлага, үенд байх эдийн бүтцүүдтэй нэлээд төстэй байдаг. Ингээд нян орж ирэхэд нянг устгахаар хүний дархлалын тогтолцоо идэвхижихдээ өөрийн биеийн төстэй эдүүдийг устгах нь тохиолддог. Энэ нь тухайн хүний дархлалын системийн онцлог, харшил эмзэг чанараас хамаардаг.

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)