Хүүгийн үгс

http://news.gogo.mn/r/67186 энд бичсэн байгаа Х.Тэмүүжин гишүүний ярьсан зүйлстэй үнэхээр санал нийж байна. Бараг бүх хүн л үүнийг ярьж, шинэчлэх өөрчлөх ёстой гэж байгаа. Гэсэн ч юу хийж байгаа билээ?
Ер нь эрс шинэчлэлт, ийм заваарсан сүлжээг шууд устгаж шинэчилнэ гэдэг маш хэцүү зүйл байх. Үүнийг эхлээд намууд өөрснөө дотроосоо ийм зөв бодолтой хүмүүс нь нэгдэж эхлүүлэх хэрэгтэй! Дэмжиж байна.

Бас янз бүрийн иргэний хөдөлгөөнүүдийн жагсаал цуглааныг 7-р сарын 1-тэй зүйрлэн, басхүү удирдаж байгаа хүмүүсээр нь муулж хүчийг нь сулруулж байгаа нь надад лав тийм таатай биш байна. Тодорхой хэмжээнд нийгэмд болохгүй бүтэхгүй байгаа, "төрийн ялзрал" гэж хүн бүр бодож, ярьж бичиж байгаа боловч үнэхээр нэгдээд, нэгтгээд гарч зогсоод үгээ хэлж байгаа нь хэд байгаа юм бэ? Батзандан нь ч бай, Магнай нь ч бай, чөтгөр нь ч бай, шулмас нь ч бай ямартай ч нэгтгээд хүмүүсийн үгийг хүргэх боломжийг нээж өгч байна. Залуус өмнөх цуглаанаас сургамж авсан. Дахин тийм утгагүй зүйл хийхгүй байх гэж бодож байна.
Ганц нэг хүн улиг болтол блог, сонингоор орилоод хүмүүс, ялангуяа тэр дээгүүр байгаа зарим нэг хүмүүс бол дөжирсөн, харин ч таатай байгаа байх. Тодорхой хэмжээнд нийгмийн бухимдлын дууг нэгдэж, сонсогдтол нь чангаар хүргэх нь тийм ч муу буруу зүйл биш шүү дээ.
Миний хувьд тэр гадаадын казинод очиж Монголын мөнгөөр тоглоод явж байдаг гэдэг (баталгаагүй олны ам дамжсан мэдээлэл ч гэсэн олны үг ортой л гэдэг...), улс орныг удирдаж чадахгүй хэдэн төгрөг тарааж хүмүүсийн толгойг эргүүлээд сууж байгаа хүмүүст энэ бүхэн чинь буруу гэдгийг ойлгуулж хүчээр, арга эвээр аль аль талаас хашгирч, жагсаж буудаж буудуулж байж ойлгуулах хэрэгтэй байх.
Гэхдээ мэдээж үймээн самуун дэгдээд, 7-р сарын 1-нд болсон шиг зүйл болж хүмүүсийн "тархи угаалт" хийвэл энэ бүхэн ямар нэгэн ач холбогдолгүй, эргээд харин ч хүмүүсийг айдаст хүргэж бүүр өөр үр дүнтэйгээр л өндөрлөх болно...

Зүгээр айж суусаар бүгдээрээ ядуураад, өлсөөд ирэхийн цагт ингэх ч чадваргүй болох биз. Жил ирэх тутамд дундаж байсан хүмүүсээс маш ихээрээ ядуу, нэн ядуу түвшин рүү шилжиж, цөөн тооны баян хүмүүс төрөөс төрж, эсвэл төр дэх утсан хүүхэлдэйгээ ашиглан өөрийн бизнесээ хөгжүүлэн төрсөөр л байна. Мафи мафи л гэдэг, гэтэл манайд бүүр тэрний хамгийн мулгуу, болхи, бүдүүлэг хэлбэр нь л хүчээ аваад байдаг...
Сайн зүйлс байгаа л байх, гэхдээ л үүнээс сайн болж, нийгэм эрүүлжиж, нийгэмдээ чиглэсэн боловсрол, эрүүл мэнд, ажлын байр үүсгэх, үйлдвэржилт, "боловсролын үйлдвэржилт"-ийн цогц бодлогуудыг хэрэгжүүлж, залуусыг гадаа гарч жагсах завгүй л болгох хэрэгтэй байна даа...

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)