Хүүгийн үгс

Бензиний үнэ дахиад 120төг-өөр нэмэгдчихлээ Өөрснөө юм хийх юмсан. Гаднаас л худалдаад л аваад байдаг, хийж байгаа юм үнэндээ хэдэн мал тэжээж байгаагаас өөр юу ч байхгүй байна гээд хэлчихвэл яадаг юм бол? Архи пиво хийж байгаа гэж үү?
Ер нь яг бодит бүтээгдэхүүн үйлдвэрлэл манайд их муу байх шиг. Нэг үйлдвэр байлаа гэхэд бүх түүхий эдээ гаднаас, тэр дундаа урдаас импортлож байна.

Нефтийн үйлдвэртэй, болмоор санагдаад байх юм.
Хятад руу нефтээ хямд гаргачихаад, Оросоос үнэтэй бензин авч байхаар ямар ч үнээр болов нефть боловсруулах үйлдвэртэй болчихоод дотоодоо ядаж хангаад байж болдоггүй л юм байх даа? Бүрэн чаддаггүй юм гэхэд талыг нь хангаад байвал арай л хямд, бас эдийн засаг гадны хэн нэг компаниас хараат байдал нь хамаагүй багасах баймаар?
Дэлхийн зах зээл дээр нефтийн үнэ нэмэгдэх болгонд улс орны эдийн засаг ганхаад байх юм. Өөрснөө нефтийн ордтой байж тэрийгээ боловсруулах боломжийг, янз бүрийн тендер энэ тэр зарлаад хийвэл яадаг юм бол. Манай төрийн түшээд уг нь мэдэж баймаарсан. Бөөн мөнгө шүү дээ уг нь...
Гадны хөрөнгө оруулагчид орж ирэхгүй гээд л айгаад байх юм,.. Монголд аль ашигтай сонголтыг хийгээд, зарим үед шууд шинэ хууль зохиогоод тэр нефтийн ордыг улсын өмч болгоод өөрснөө нефтийн үйлдвэртэй болчих хэрэгтэй юм байгаа юм даа...

Хогоо ялгаж хаядаг болоод, дахин боловсруулдаг болчихвол маш хэрэгтэй зүйл болмоор юм шиг?
Зун найзуудтайгаа туул голын эргээр зугаалахад энд тэндгүй хог хөглөрөөд үнэхээр муухай, бусад Монголчууддаа гомдмоор санагдаж байсан Маш олуулаа байсан мөртлөө бүх хогоо хураагаад ачаад явж байгаа хүмүүс ч байсан. (хог нь бараг нэг микро болчихож байх шиг байсан )
Хогоо хаяхгүй байя гэж нэлээд олон хүн блог дээрээ бичсэн харагддаг, тэгж ярьж бичиж байгаа залуусаар бахархах сэтгэл төрдөг. Бас ч ийм бодолтой залуус л улам л олшроод л байна даа.
Хаягдал дахин боловсруулах үйлдвэртэй болмоор байна. Үр хүүхдийнхээ ирээдүйг бодсон ч, өнөөдрийн мөнгө хөрөнгөө бодсон ч хогоор юм хийгээд эхэлбэл бас л эдийн засгийн хувьд ч бас гаднаас авч байснаас арай илүү ашигтай баймаар санагдах юм? УБ-д одоо хог хаях газар нь олдохгүй хэрүүл уруул болоод л байгаа бус уу? За тэгээд энэ талаар цаашаа яриад бичээд явбал төрийн түшээдийн сонорт хүрвэл, гайгүй чадвартай бизнесменүүдийн чихэнд сонсогдвол бас сонирхох, хийчих аавын хүү гараад ирэх ч юм билүү. Дэмжиж байвал тараагаарай. Хямд бензинтэй, зарим синтетик, цаас энэ тэрээ дахин боловсруулаад байдаг болчихвол юмны үнэ хямдраад хэн хэндээ л ашигтай байх.

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)