Хүүгийн үгс

Өнөөдөр http://fashionmongolia.blogspot.com/ гээд блогийг анх удаа уншлаа. Маш их таалагдсан тул мэдэхгүй хүмүүс байвал танилцуулах гэсэн юм. Ер нь бол брэндийн хувцас зардаг дэлгүүрийн ч юмуу блог юм шиг байна. Харилцах утас энэ тэр нь толгой хэсэгт нь байх шиг байна. Хэдий жирийн сурталчилгааны блог ч гэсэн бичлэгүүд нь үнэхээр дажгүй, их мэдээлэл сайтай санагдлаа. Ялангуяа миний дуртай жүжигчдийн стилл, онцлогуудыг нь яг нүдийг нь олж гаргаж бичжээ.
Тэр хуурамч хувцас хэзээ ч битгий өмс энэ тэр гэсэнтэй бол нэг их санал нийлэхгүй байна л даа. Том ч бай, жижиг ч бай, хятад ч америк ч бай брэнд л бол брэнд. Гол нь чанар, загвар гэж боддог. Хувиараа гараараа оёсон ч байж болно. Алийг нь хуурамч гэхийг бол хэлж мэдэхгүй юм? Бодвол дуурайж хийснийг хэлсэн юм уу мэдэхгүй. За ямартай ч блогийн бичлэгүүд нь бол маш ихээр таалагдав.
Ороод уншаад үзээрэй!

Бас дээр нэг охинд мэйлээр өгч байсан зөвлөгөөгөө энд тавичихъя. Энд бас http://maral.delhii.net гээд их сайхан зөвлөгөөнүүд байдаг юм байна лээ.

Сайн байна уу,
Би өөртөө ямар загварын хувцас тохирох ч юм уу огт мэдэхгүй юм ерөөсөө сайн зохицуулж чадахгүй юм загварын талаар чадвал надаа мэдээлэл өгөөч.

Хувцас тохируулж өмсөхийн хувьд маш олон янзын дүрмүүд байдаг л даа. Ер нь бол тухайн цаг, орчиндоо л хамгийн зөв хувцас тохируулж өмсөх нь чухал шүү дээ. Хөдөө аялалаар явахдаа өндөр өсгийтэй гутал, даашинзтай явбал мэдээж хэцүү. Орой найзуудтайгаа дисконд явахдаа, эсвэл пиво баранд суухдаа нүдээ бүлтэртэл гоёчихвол бас л эвгүй, бие үнэлэгч хүүхнүүд шиг харагдана.

Миний хувьд бол
1. Тухайн орчин нөхцөлдөө тохируулах
2. Өөрийнхөө биед хамгийн амар, эвтэйхэн хувцсыг сонгох (За тэгээд зарим дуртай хувцсаа бол бусдад ямар харагдахаа тоохгүй л өмсдөг миний хувьд :-))
3. Биеийнхээ галбир, өндөр болоод арьсны өнгө гээд ер нь өөрийнхөө биед тохируулж хувцасны загвар, өнгийг сонгох чухал. Бас өөрийнхөө зан төрхөнд ч тохируулж сонгож болно.
4. Хэзээ ч нэг их моод дагах хэрэггүй. Аль болох бусдаас өөр, ялгарч хувцаслах нь дээр. Гэхдээ ялгарч байна гээд тэмээнээс тэмдэгтэй, гэрлэн дохио шиг бол мэдээж биш. Үнэхээр биед чинь өөрт чинь зохисон модны хувьд бол хааяа хувцаслалтандаа ганц нэг загвар оруулж өмсөхөөс хэтрүүлэх хэрэггүй.
5. Миний хувьд нэг их үнэтэй брэнд нэртэй хувцаслахын эсрэг байдаг. Гуччигийн 8000$-ын ганган даашинз өмссөн байлаа гээд зохиогүй л бол ямар ч утгагүй. Хэдээр авсан нь, ямар брэндийнх нь бол миний бодлоор тийм ч чухал биш. Эрчүүд тайлаад ярликийг нь харахгүйгээс л хойш ;) Тухайн тухайн брэндуудын хувьд ч бас онцлох яг таньд тохирох дэгжин загвар байж болно л доо. Та үнэхээр баян бол үүнийг авч өмсөж бас болноо болно. Тэрийг бол үгүйсгээгүй юм шүү. Загвар, материал нь харахаас алдар нэртэйг нь, айхтар нь үнэтэйг нь сонгох нь мэдээж утгагүй байхаа тээ.

Ер нь эмэгтэй хүний хувьд бол энгийн даруухан, цэвэр цэмцгэр хувцаслаад, дээр нь биеэ авч явах, янз бүрийн хөдулгөөн, инээмсгэлэл энэ тэрээ ч бас анхаар ч зарим нэгийг нь засч байх хэрэгтэй гэж боддог. Мэдээж нүүр арчлах, будалт гээд бүгд л хоорондоо холбогдоод явчихна л даа. Миний хувьд бол тсэвэрхэн булбарай, будаггүй, гуайлиг биетэй, даруухэн энгийн, орчиндоо тохируулж чамин хувцаслаж чаддаг эмэгтэйчүүд их таалагддаг. Ер нь ийм охидуудад олонхи эрчүүд дуртай байдаг байхаа. Бас бие авч явахдаа чөлөөтэй байх, зөв ичиж чаддаг, заримдаа жүжиглэж чаддаг байх гээл хэхэ ;-) Махлагдуу охидууд ч бас хувцасаа гоё тохируулж өмсөөд, биеэ гоё авч явж чадаж байвал эрчүүдийн сэтгэлийг булааж чаддаг гэж боддог. Гэхдээ л турсан нь дээр :P

Доорх холбоосуудыг бас ерөнхийд нь уншихад фашион, хувцаслалтаа зохицуулах талаар нэлээд ойлголттой болох байхаа. Тэгээд гадаад хэлтэй бол өөр хэлнүүдээр интэрнэтээр л дүүрэн заавар зөвлөгөө байгаа болов уу гэж бодож байна.

http://maral.delhii.net/%D1%82%D0%B0%D0%BD%D1%8B-%D0%BC%D1%8D%D0%B4%D0%BB%D1%8D%D0%B3%D1%82/

http://www.mongolnews.mn/weekend.php?n=721
амжилт хүсье ;-)

За тэгээд миний л хувийн бодол юм л даа. Таньд хэрэв санал зөрөлдөх зүйлс байвал хэлээрэй, мэддэгээ хуваалцаарай! :D

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)