Хүүгийн үгс

Бодит байдал ийм байна шүү дээ нөхөд өө!!

Бодит байдал ийм байш дээ нөхөд өө! гээд хэлсэн чинь нээг их сонссон үг юм шиг... Аягүй албан ёсны үгээ бас... За тэр яахав... Үг олдож үхэр холдох нь...

Ер нь энэ дэлхий дээр физикийн хууль гээд нэг балай юм үйлчилдэггүй байсан бол уг нь сайхнаа. Хүн төрөлхтөн эрх чөлөөтэй дураараа дургиж, дунд чөмгөөрөө жиргэх байсан байхгүй юу. Физикийн энэ хатуу биет миетийн хууль энэ тэр байгаагүй бол шууд хана энэ тэр нэвтэлдэг, дуртай үедээ хажуугийнхаа айл руу орж тайван байдлыг нь алдагдуулж, дургүйг нь хүргэж кайф авахгүй юу тээ. Даанч хана гэдэг дэмий юм байдаг...

Тэрэн шиг бас нийгэм гэгч дотор хананууд байдаг гэх. Тэгтэл тэр энгийн ханыг олж хардаггүй, нэвт шувт дайрч бусдын дургүйг хүргэдэг хүмүүс байх. Ядаж байхад тэр ханыг нэвтлээд кайф авахаасаа эсэргүүцэж ирсэн эмоцитой нь тулгарч зодолдох цохилцохдоо хүрдэг байх юм... Хүмүүс гэж бас сонирхолтой сонингийн тасархайнууд шүү тээ :D

Би эрх чөлөөт орны иргэн, эрх чөлөөгөө эдлэж байна, гээд амнаасаа баас гаргаж, толгойгоороо хана мөргөх хүмүүс байх юмаа. Эрх чөлөө гэж ярихдаа ядаж хана байдгийг мэдээд тойрч гарч эрх чөлөөгөө эдлээд сурчихмаар л юм тээ. Олон нийтийн газар оронд янзан бүрээр хашгичиж болохгүй, шүлсээ хаяж болохгүй, тамхины ишээ хаяж болохгүй, улаан гэрлээр, гарцгүй газраар гарч болохгүй, хүн хүнээ хүндлэхгүй болохгүй, зүлгэн дээр гишгэж болохгүй гээд хэдэн хана уг нь байгаад байх шиг байгаан. Даанч тэр ханыг олж хардаггүй сохрууд нь очиж мөргөөд мөргөөд хамчаад хэмхчээд, өөрөө ч гэмтэж, өрөөлийг ч хомроголох юм даа.

Монгол залуус минээ физикийн хуулинд байшингийн ханыг нэвтэлж болдоггүй шиг нийгмийн хуулийн дээрх шиг ханануудыг тойрч гарч, хаалгаар орж гарч, бүүр ядлаа гэхэд цонхоор орж гарч сурцгааяаа.

Зарим нэгэн хүмүүс миний амьдрал баригдмал, хязгаарлагдмал, утгагүй гэх зэргээр гиеүрэн сууна. Уг нь бол данаа хаалгаар орж гарч, цонхоор гадагш гардагтаа хүн уурлаад, хана нэвтлэх гэж мөргөж суух нь утгагүй баймаар. Нийгэм гэдэг зүйлд байдаг тэр хуулийнх нь дагуу амьдарвал өөртөө ч бусаддаа ч таатай амьдраад сурчихмаар юм тээ. Гол нь би ч дуугай ганцаараа жаргаж яваад үхчиж болжийно л доо... Хүмүүсийг шаналж бухимдаад байхаар бас өрөвдөж энэ тэр болохым :-p Бусдыг хайрлан өрөвд, тэдэн рүү харж инээ, чадахгүй байгаа хүүхдэд үдээсийг нь үдээд өг гээд бас байгалийн хоол идэхгүй бол болохгүй гэдэгтэй адил заавал хийх ёстой гэсэн нийгмийн нэг хуулинд баригдаад, хүлэгдээд, боомьлогдсондоо, дээр нь хажуу хавирганы нөхдүүд шувт дайрч хана туурга хэмчих чимээ шуугианд нь унтаж чадахгүй болсондоо ийн чарламаар болоод байхымаа :D

За тэгээд нэг үеээ бодвол Монгол залуус маань бас л гоё болж байна даа. Бичиж ярьж байгааг нь ч харсан тэр тээ :D

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)