Гэргий

2008-01-27,21:21
Нүгэл зугтам сайхан харцнаас тань
Нүүрийн буянтайг үзэж баяслаа
Нүнжиг удамтай айлын охин гэж
Нүднээс далд магтдагт итгээрэй

Ай миний дөлгөөхөн хөөрхөн
Аавын энхрийхэн охин минь дээ

Жаргал хоргодом сайхан аашнаас тань
Жаврын үзүүр нугарахыг мэдэрлээ
Түвшин амгалан айлын гэргий гэж
Төрөл садан маань хайрлаж яваасай

Ай миний амгалан шүтээн
Айлын сайхан гэргий минь дээ
Сүүдэр нугарам сэтгэлийн гэрэлд тань
Сүлд хийморь тавилан бөхөжлөө
Удам залгасан үрийн минь ээжий
Уужуу тайван сэтгэлийн сүм минь дээ

Ай миний хүүгийн минь ээжий
Асралт тэнгэр хань минь дээ

Бичсэн: moligo_ochir

төрөл: Чөлөөт цаг | (5) Сэтгэгдэл | найздаа илгээх | нийт: 1046 хүн уншсан
Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)

Сэтгэгдэл бичих
Сэтгэгдэл:

:-)
 
баяРлалаа. Угаасаа амьдрал сайхан байнөө Very Happy Сайхан бүсгүйчүүд дуусна гэж юу байхав дээ. Сайхан залуу нь байжийхад сайхан бүсгүйчүүд нь байж л байж таараа tongue
moligo_ochir хэзээ бичсэн: 05:28, 2008-02-03 | |
Хүлээж суусаар байтал хамаг сайхан амьдрал өнгөрөөд сайхан бүсгүйчүүд нь эзэнтэй болоод дууслаа... хэ хэ
Хүслийнжигүүр хэзээ бичсэн: 15:21, 2008-02-01 | |
Клаус: Харин тиймээ их гоё дуу. Ая нь ч их таалагдаад байгаа юм.
Хүслийн жигүүр: Амжаагүй явна даа хөө. Эхнэр болох ёстой хүн нь ирдэггүйээ. Хүлээгээд л сууж байна.



moligo_ochir хэзээ бичсэн: 15:03, 2008-02-01 | |
Гоё зураг байна таалагдав гэснээс чи гэрлэсийм уу
Хүслийнжигүүр хэзээ бичсэн: 14:21, 2008-02-01 | |
ийм сайхан бэлэн цэцэн үгс хаанаас нь унадардаг байнаааа...аягүй атаархав.....гэхдээ гоё оо гоё....
Клаус хэзээ бичсэн: 23:11, 2008-01-27 | |
xvv: Блогоор минь зочилж, сэтгэгдэл бичсэнд баярлалаа :-)
Эхлэл | << шинэ | Нийт: 571-с 438-р хуудас. | хуучин >>