Хүүгийн үгс

Амьтан алах яагаад зөв гэж?

Нэг хүний блог дээрээс нэлээн дээр үед уншаад өнгөрч байсан. "Гадныханд бэлэг өгөхдөө анхаараарай, арьс ширээр хийсэн зүйлс битгий бэлгэлээрэй дургүй байдаг гэх маягийн утгатай зүйлс байсан санагдана"

Аа гэхдээ Монголчуудын хийгээд жуулчдад зардаг, хүмүүст аваачаад бэлгэлдэг зүйлс бол ихэнх нь малын гаралтай бүтээгдэхүүн байдаг. Энэ нь ан амьтан, уулын зэрлэг амьтан биш өөрснөө үржүүлээд, өсгөөд, хамгаалаад тэжээгээд, илээд, үнсээд, маажаад зун нь өвс хадаж хадгалаад өвөл нь түүнийгээ өгч, өвдөхөд нь асарч, төрөхөд гэртээ оруулж, өнчирсөнг нь угжиж тэжээсэн тэр малынхаа арьс шир, үс ноосоор хийсэн зүйлс юм. Тэгэхээр энэ бол тэс өөр зүйл гэдгийг ойлгох, ойлгохгүй нэгэнд нь тайлбарлаад бэлгээ өгөх хэрэгтэй юм.
Ангийн арьс, ангийн гаралтай бүтээгдэхүүн болохыг нь ялгаж мэдсэн бол тэгж болж байна аа. Би ч дэмжиж байна. Будаг өгөөд цац гэвэл цацсан ч яах вэ.

Нийлэг хувцас яагаад муу гэж?

За тэгээд нөгөө малын арьс ноос хэрэглэдэггүй, эсэргүүцдэг хүмүүсийн маань сонголт нь нийлэг болон хөвөн даавуун хувцас хунар байдаг. Гэтэл тэдгээр нь яаж бий болдгийг бодоод үзье л дээ. Хэдэн зуун хэмийн халуунд химийн урвал явуулж, янз бүрийн хорт утаа, хорт бодис ялгаруулан синтез, нийлэгжүүлэх урвалын дүнд тэр бүтээгдэхүүн гардаг. Тэрийг хийх гэж байгаль орчныг бохирдуулсан нь эргээд бүр ч илүү олон ан амьтан, мал, ургамал, хүнд муугаар нөлөөлдөг. Хүчлэн бороо, агаарын бохирдол, уур амьсгалын дулаарал гээд л тойруу замаар нөлөөлж байдаг. Дээр нь тэр нийлэг эдлэл маань эргээд хүндээ өөрт нь харшил үүсгэхээс эхсүүлээд эрүүл мэндэд нь муу үр нөлөөтэй байдаг. Хөвөн даавуун хувцасны хувьд тэр хэмжээний хөвөнгийн тариалалт, өдий хэмжээнд хүрсэн дэлхийн хүн амыг хангахын тулд зарцуулагдах тариалангийн талбайн хэмжээ гээд л бас нөгөө нэг талтай.

Цагаан хоол идэх нь яагаад буруу вэ?

Монголчууд дээр үеэсээ 1 жин будаа идэхэд хэдэн зуун ургамлын амь тасалдаг бол 1 жин мах идэхэд ганцхан амьтны амь тасалдаг гэж үздэг байсан.

Ургамал ногоо, ус байгаль дэлхийгээ илүүтэй хайрлаж, ойлгож зохицуулж амьдарч ирсэн. Ургамал тарьж ургуулах гээд газар хагалж жинхэнэ байгалийг нь эвдэж, хөрснөөс янз бүрийн хийг агаарт ялгаруулж, хөрсийг эвдэхээс эхсүүлээд ногоо тарьж ургуулах ч бас тийм ч их сайн зүйл биш л юм. Харин ч ямаагаа сайн идвэл бидний ирээдүйд илүү хэрэгтэй. Монголын нийт мал одоо 40 сая дөхсөн, бэлчээрийн даац хүрэхгүй талхлагдаж, үүнтэй холбоотойгоор цөлжилт явагдаж элсжиж байгаа. Тэгэхээр мах сайн идэх хэрэгтэй Тэгээд ч мах нь ч, ногоо нь ч, цагаан идээ нь ч аль аль нь л байж байж хүнд хоол болно. Мах иддэггүй хүмүүс төмрийн дутагдал буюу анеми болон бусад өвчин тусах хандлагууд байдаг. Ялангуяа жирэмсэн эхчүүдийн хувьд хангалттай зүйл хоол тэжээлээр авах ёстой амьтны гаралтай уургийг авч чаддаггүйгээс хүүхэд нь хөгжил муутай, өвчлөмтгий, тэр бүү хэл хөгжлийн хоцрогдол, гажигтай ч гарч болно. Дээр нь хужаа ногоо иддэг бол бүр ч энэ нь нэмэгдэнэ. Харин ч махаа идэх нь Монгол хүний биед мах нь илүү сайн зохино.

Сүүлийн үед манайд их дэлгэрээд байгаа зүйл бол цагаан хоолтнууд. Үүнийг миний хувьд эсэргүүцдэг

Бас хүмүүс өөрсдөө малаа үржүүлж байгаа, тэгвэл тэжээхээ болиод бүүр хаячихъя л даа идэхгүй л юм бол? Тэглээ гээд нөгөөдүүл нь зуднаар үхэж үрэгдээд л дуусна биз дээ? Өвс хадахгүй тэр чигээр нь зэрлэгшүүлчихье гэхэд нэг их удахгүй л болов уу. Харин ч олон зуугаараа хээр хөдөө үхэж муудаад бөөн хорт утаа болох биз. Тэгдэггүй юм гэхэд алчихаад махыг нь идэхгүйгээр хаялаа гэхэд эргээд л байгальдаа задарч элдэв урвал, хорт бодисууд ялгарах л болно.
Тэгээд ч нэгэнт 1000-ыг тэжээгээд дулаан оромж барьж өгөөд төллүүлээд, өсгөж болж байгаа юм чинь 10-г нь идэхэд юу нь болохгүй гэж? Хүн ч тэр ургамал ч тэр бүх зүйл л амьтай.
Зохицуулаад болж өгвөл хужаа ногоо идэж байхаар Монгол жаахан ногоогоо идвэл идээд махаа, цагаан идээгээ идэх нь л аль аль талаасаа бидэнд хэрэгтэй, эртнээс хэрэглэсэн Монголчуудын бие махбодод зохицчихсон сурсан хоол нь юм.
Үнэхээр цагаан хоол идмээр байгаа бол зөвхөн сүү цагаан идээ хэрэглэж бас болно. Хужаа нарыг дэмжээд л ногоо идээд байснаас хол дээр. Аа тэгээд хүү сүү цагаан идээ хэрэглэ гэсэн гээд хор хэрэглээд байв аа. Би сүү гэдэг нэртэй хорнуудыг биш жинхэнэ Монгол сүү цагаан идээг хэлээд байгаа юм шүү.

Аль болох ямаа идэцгээмээр байна. Бараг 40 гаран сая малын маань тал хувь нь ямаа, ямаа өөрөө өвсийг үндсээр нь идэж цөлжилтийг үүсгэж байгаа гэдгийг хүн бүр мэдээд л байгаа..
Сайхан ямааны боодог хийж идэцгээж байя! Бид малчин ард түмэн. Олон зууны турш харин ч бусдаас илүүтэйгээр онгон байгалиа хадгалж эрүүл чийрэг явж ирсэн. Заавал европичууд, гадаадуудыг дуурайж туульшраад байх хэрэггүй гэж боддог. Тэгээд ч манай сумо нарыг хар

Бас нэг зүйл нь мах идэхээ болиод дэлхийн бүх хүн ногоо цагаа иддэг боллоо гэж бодъё. Мэдээж мал байхгүй бол цагаан идээ байхгүй дан ногоо, тариа. Гэтэл дэлхийн бүх хүний хүнсний хэрэгцээг хангах ногоо, тариаг хаана тарьж ургуулах талаар бодож байсан уу? Дэлхий дээр зүгээр тал үлдэхгүй байлгүй дээ г.м г.м. Хүний ярьсан болгонд итгэх биш өөрөө бас нөгөө талаас нь харцгаая. Тэр нөгөө их гэгээрсэн багш г.м хүмүүсийн ярианаас ч гэсэн авахыгаа аваад гээхийгээ гээгээд, толгойгоороо бас бодоод үзье дээ хөө шүү гэж. Гол нь хэн нь хэн бэ? Дэлхийн бүх хүнээс Монголчууд юугаараа өөр вэ гэдгээ бас бодох хэрэгтэй гэж боддог юм. Бидний хувьд мал тэжээх гээд газар хагалаад ногоо тариад байдаггүй...

Монгол хүний элэгний шүүх чадвар нь өөр байдгаас Европи гадаад эмийг шууд тэр хэвээр нь, тэр тунгаар нь хэрэглэж байгаа нь ч бас буруу л гэж зарим эрдэмтэд маань үзэж, судалж баталсан байдаг. Бидний бие махбод маань бусдынхаас өөр, иддэг, боловсруулдаг зохицдог зүйлс нь ч өөр. Хэрэв бурхан өөрөө дэлхийг бүтээсэн юм бол биднийг ингэж л хийсэн байж таараа.

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)