Хүүгийн үгс

Таалагдсан үг: "Хорвоог муу зүйл хийж байгаа хүмүүс биш, муу зүйлийн хажуугаар чихээ дарж, нүдээ хаагаад, амаа хамхиж байгаа хүмүүс сөнөөнө" гэж нөгөө хэлээ гаргадаг хүн хэлсэн байдаг.

Ер нь бол дуу хоолой, олон өнцгөөс харсан бодол хэзээ ч олддоггүй.

Хэн нэгэн буруу зүйл хийж байгаа бол түүний хажуугаар нүдээ аниж чихээ таглаж бүү өнгөр, ядаж блогтоо бичээд үлдээ л дээ...

Зөвхөн өөрийн мэддэг чаддаг зүйлээ ярь, сайн хий бусад юмыг чаддаг нь, мэргэжлийн хүн нь хийг гээд орхи гэсэн хандлага нэлээн байдгийг анзаарлаа. 

Тэгээд энд нэг текст хуулаад тавичихъя. Нэг ч гэсэн хүн унших байх:

Миний бодлоор бол уул уурхайг бусад хүмүүс сонирхож ярих нь буруу биш шүү дээ. Зөвхөн өөрийн урдахыг хийгээд чимээгүй яв гэдэг бол маш буруу ойлголт. Хэрэв амьдрал ирээдүйд чинь хамааралтай юмыг бусад хүмүүс буруу хийгээд байгаа бол үүнтэй тэмцэх л хэрэгтэй. Уул уурхай газрыг нй сэндийлж усыг нь бохирдуулж байвал малчин хүн малаа л сайн маллаад суугаад л байвал юу болох вэ? Уурхайчин хүн ухаад л хордуулаад л байдаг эрүүл мэнд, байгаль орчныг орхиод яваад байвал юу болох вэ? Өнөөдөр болохгүй байгаа болохоор л хүн бүхэн хашгираад байна шүү дээ. Болоод бүгдэд ашигтай байсан бол хүмүүс урдах урдах юм аа л хийгээд явна шүү дээ. Хүмүүсийн амыг барих гэдэг иймэрхүү үзэл бодол чинь хэт хуучинсаг гэж боддог.. Өөрийн зүйлээ сайн хийх нь бол мэдээж зөв. Харин бусад оролцох ёстой зүйлдээ оролцож, дугарах ёстой газраа дугарч, судлах шаардлага гарвал өөр чиглэлийн зүйлийг ч судалж мэдэж байх л хэрэгтэй!

Бонус:
Өглөө ирэх замдаа авсан зураг

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)