Хүүгийн үгс

www.sciencenews.org саитын 2009-2-19-нд тавигдсан нийтлэлүүдээс сонирхолтой зүйлс олж уншлаа:

Саяхан Америкийн эрдэмтдийн судалгаагаар романтикаар үнсэлцэх үед хүний биед мэдэгдэхүйц дааврын өөрчлөлт гардаг ба энэ нь стрессийг багасгадаг мөн үнсэлтээр хүн "өөрийн ганцыгаа" олж  авдаг байж болох юм гэсэн судалгааны үр дүнд хүрчээ гэнээ...

Нэгэн найз маань үнэхээр хайртай хүнээ яаж олсон бэ гэхээр анх үнсэлцээд л мэдсэн гэж ярьж байсан юм. Би тоглоод за тэгвэл үнсэлцээд л хайгаад байдаг хэргээ гэсэн чинь яг тэгж хэлээгүй ч гэсэн үнсэлтээр нь таньдаг юм гэж байсан санагдчихлаа...

Харин яг энэ нийтлэл дээр өөрийн ганцыгаа олох талаар судалсан дүнгээ дурдаагүй байсан бөгөөд их сонирхолтой санагдлаа.

Ямартай ч эрчүүд том ангайн, хэлээ их оролцуулж үнсэлцэх дуртай нь тэд хамтрагчдаа тестостерон хэмээх дааврыг дамжуулдаг бөгөөд энэ нь эмэгтэйгээ татаж сайхан зантай болгодог гэнэ. Хар тамхи маягийн үйлчлэлтэй бололтой

Бас ангайж үнсэлцэх нь эрчүүдэд эмэгтэйн биеийн юм ирснийг мэдэх боломж олгодог байж болно гэжээ.
Бас нэг сонирхолтой зүйл нь шимпанзенууд үнсэлддэг гэнэ.

Эрдэмтэд судалгаагаа хийхдээ эрэгтэй эмэгтэй хос залуусыг 15 минутын турш үнсэлдүүлэн бас гар гараас нь атгуулаад ямар нэгэн юм яриулаад цусанд нь дааврын хэмжээг тогтоож судалсан байна. Ингэхэд эрэгтэйчүүдийн биед эстроген (стресстэй холбоотой) дааврын хэмжээ нэмэгдэж, эмэгтэйд буурсан нь ажиглагджээ. Мөн гараа хөтлөлцсөнөөс илүүтэй үнсэлцэх үед энэ нь илүү их байсан байна. Бас удаан хугацаагаар үерхсэн хосуудад энэ нь илүү хэмжээтэй тодорхойлогдсон гэнэ.
Лесби хосууд дээр туршихад бас стресстэй холбоотой дааврын хэмжээ цусанд буурч байгаа нь ажиглагдсан гэнэ.

Урьд нь аман секс аюулгүй гэж анагаах ухаан зөвлөдөг байсан бол одоо тохиолдлын бэлгийн харьцаа шиг тохиолдлын үнсэлтээр ч бас олон сая вирус, нянгууд дамжих боломжтой гэж үзэх болсон. Тэгэхээр зөвхөн хайрттайгаа үнсэлцэх нь аюулгүй сонголт. Одоохондоо амны бэлгэвч гэж байхгүй

Эх сурвалж: sciencenews.org/view/generic/id/40884/title/Kissing_chemistry

---

Их стресс үс цайлгана. Гэхдээ бага зэргийн стресстэй байх нь эсрэгээрээ эсийг хамгаалж хөгшрөлтийг удаашруулдаг нэгэн уургийг биед үүсэхийг нэмэгдүүлдэг болох нь тогтоогджээ.
Жишээ нь калори багатай хоолны дэглэм барих зэрэг үед энэ байдал ажиглагдаж болох нь.. Ер нь бага зэрэг хоолоо сойж дэглэм барьж байх нь тус болдог байж мэдэх юм. Лам нар заримдаа мацаг барина гээд дан цагаан хоол иддэг бол бас их хэрэгтэй зүйл байх нь... Гэхдээ огт мах идэхгүй цагаан хоолтой байх нь бас тийм ч сайн зүйл биш юм.

Эх сурвалж:
sciencenews.org/view/generic/id/41044/title/Anti-aging__A_little_stress_may_keep_cells_youthful

---

За тэгэхээр үнсэлцээд байвал лав нэг их стрессдээд байхгүй бололтой. Бас хэт стрессгүй байвал амархан хөгширчихөж мэдэх юм байна. Тэгэхээр үнсэлтийг ч бас тааруулах хэрэгтэй бололтой  Ер нь их стрессдээд байгаа  Монголчууд бидний хувьд сайн үнсэлдэцгээвэл их хэрэгтэй зүйл юм байна.
Тэгэхээр стрессдээд байвал сайхан үнсэлдэцгээ залуусаа. Аа гэхдээ бас бага зэрэг стресс үлдээгээрэй

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)